السلام عليكم جميع اصحاب السيارات #للفائدة_العامه
الموضوع لكل اصحاب الكوري : سبورتج , سيراتو , توكسان , سوناتا , سنتافيا ,, الخ
اخوان موضوع درجات الزيت دوخ الناس كلها حته اصحاب المصلحه ناس تكول 5-20 5-30 صيف شته ناس تكول لا بلصيف شكل وبلشته شكل #عموما
نستند للحقائق العلميه الي يقر بيها كل المهندسين والخبراء انو حرارة المحرك ثابته وانو الزيت المقرر من الشركه المصنعه لازم يكون ثابت صيف شته بلنسبه للسيارات الحديث كلها تجي بلادي 5w30 / 5w20
#الكتلوك الموجود باول تعليق مال السياره الخليجي من تقرا تفتهم انو لازم تغير الدرجه حسب الحراره ؟؟ وكاتب 5-30 5-20 لكل الاجواء ؟؟ زين ياهو الاصح وشنسوي ؟ ؟
طبعا عمليا وجربناها اذا جبت سياره زيرو او جديده وخليت الها درجه اثخن من الي بيها بلاديه راح تسمع جكجكه الصبح المحرك استهلاكه يكون اعله صوته خشن واعله ويصرف وقود اكثر بنسبه بسيطه..
زين ليش الكتلوك يكول هيج ؟؟ عزيزي الكتلوك الاول يجي بلسياره الخليجي هذا معلوماته مو دقيقه نسبيا والصحيح انو المكائن الديزل تتغير درجة زيتها حسب الجو الحر والبرد
#اثبات اثبتلك هلكلام صح : الجدول رقم 2 يجي بلسياره السلوفاكية والوارد امريكي #للعلم امريكا بيها مناطق حاره مثل جونه
الجدول رقم 3 تعليمات من موقع كيا الرسمي لكندا للكيا سبورتج الي تجي مكائن gdi
الجدول رقم 4 من موقع كيا الرسمي للملكه المتحده (انكلترا) يوضحلك كل الاصدارات من كيا وكل وحده كاتب واصفاتها ودرجتها
وكل الكتلوكات تقر انو المكينه الديزل يتغير درجة زيتها حسب الجو مو البانزين
زين ليش #الشركات تخلي درجة 15w40 ؟؟
طبعا هلشي يضر بعمر المحرك والاستهلاك وهذا سببه سياسات الشركه طبعا ميزات هذا الزيت
انو مراح ينقص لان ثخين . يناسب المكاين الجديده والماشيه مسافات عاليه وتعبانه . مراح يحترك ويسود بسرعه لان ثخين , عده انو مرات ميطابق المعاير المطلوبه للسيارات الحديث مثل sn gf 5 وغيرها
#للعلم مواقع كيا سعودية عراق امارات ما خاله جدول زيت بلموقع مثل الي بلصور حته لا تخضع لاشكال علمي ومن تسالهم عن الزيت المناسب ينطوك رقم سيرفس ويكلك اتصل عليه عكس المواقع الاجنبيه الي تجاوبك اجابه فوريه وقاطعه
#نصائح عامه : المحرك المستخدم اله زيت ثخين مثلا 15-40 لا يجب ارجاعه لزيت ذو لزوجه اخف لان ظغط المحرك حيكون مختلف ومراح يتوافق ويا بعد
قدر الامكان وضع زيت يبدي برقم اقل مثلا 5-30 بدل 10-30 حتى يصعد بلمحرك اسرع ويحافظ عليه
زياده اللزوجه حسب استهلاك المحرك مثل وضع 10-30 او 10-40 للمحرك بعد قطع مسافة 100 الف ...
طبعا شكرا لكل شخص قره الموضوع واسف علاطاله
اخوكم مهندس يوسف وكيل لكوي مولي بغداد صاحب سيرفس الحسام لخدمات الزيوت والبطاريات
تحياتي الموضوع للفائده العامه
مقراتنا:
الفرع الأول: الطالبيه شارع خير الله.
الفرع الثاني: كمب ساره يسار فلكة نادي المشرق .
☆ تتوفر لدينا خدمة الدلفري ☆
للإستفسار #Eng_Joe : 07708026844
ليست هناك تعليقات:
إرسال تعليق